„Blendnar tilfinningar. Við vorum komnir í 1-0 yfir og eigum að klára það og sigla sigrinum en svo í lokin hefðu þeir getað stolið sigrinum þannig að svona er þetta. Smá vonbrigði að taka ekki þrjú stig," sagði Gunnar Guðmundsson, þjálfari Þróttar, eftir jafntefli við Magna á Grenivík.
Lestu um leikinn: Magni 1 - 1 Þróttur R.
„Mér fannst bæði lið leggja sig 100% fram og við komumst oft í ákjósanlegar stöður en því miður vorum við ekki nógu klókir fyrir framan markið. Það tókst ekki að setja annað markið."
Þróttarar vildu fá vítaspyrnu í stöðunni 0-0. Sá Gunnar það atvik?
„Já. Boltinn fer í hendina en dómararnir meta það að það sé ekki hægt að dæma víti á þetta en auðvitað viljum við fá víti."
Menn voru mikið að renna á blautum velli, sérsaklega öðrum vallarhelmingnum. Lárus Björnsson var sá sem fréttaritari tók eftir hvað oftast í grasinu. Var Lárus illa skóaður?
„Nei. Við vissum á hvaða völl við færum að fara og það var sérstaklega talað um það að menn þyrftu að mæta vel skóaðir og þeir gerðu það strákarnir. Svæðið í horninu þar sem hann var að detta hvað mest það var blautt og meira að segja áltakkarnir gripu ekki einu sinni í það svæði."
Gunnar var einnig spurður út í hvað hann tæki úr þessum leik fyrir seinni leikinn gegn Magna seinna á tímabilinu, meiðslastöðu Dion Acoff og Tyler Brown nýja leikmanninum sem kom frá Crystal Palace.
Athugasemdir