Jongkind er ekki bjartsýnn fyrir hönd Hollands.
Frá æfingu Íslands í morgun.
Hollenski sjónvarpsmaðurinn Kees Jongkind er mættur til Tyrklands til að fylgjast með leik heimamanna gegn Íslandi í undankeppni EM 2016 annað kvöld.
Jongkind og samlandar hans þurfa á hjálp Íslands að halda ef Holland á að komast í umspil um sæti á Evrópumótinu í Frakklandi næsta sumar, en til að Hollendingar geti náð 3. sætinu þarf Ísland að sigra í Konya.
Jongkind og samlandar hans þurfa á hjálp Íslands að halda ef Holland á að komast í umspil um sæti á Evrópumótinu í Frakklandi næsta sumar, en til að Hollendingar geti náð 3. sætinu þarf Ísland að sigra í Konya.
„Ég er hér til að ganga úr skugga um að þið gerið ykkar besta gegn tyrkneska liðinu. Ef Ísland vinnur og Holland vinnur, þá fer Holland í umspilið og Tyrkland ekki. En ef þið gerið jafntefli eða tapið, þá er Holland úr leik," sagði Jongkind í spjalli við Fótbolta.net fyrir blaðamannafund Tyrklands í dag.
„Ég er ekki taugaóstyrkur. Það er frekar skrýtið að Holland sé í 4. sæti þessa riðils en það er allt út af því að þeir spila illa. Ef þú spilar illa áttu ekkert skilið. Við bjuggumst ekki við því að tapa báðum leikjunum gegn Íslandi en þið unnuð og áttuð það skilið, það er flott hjá ykkur."
Tékkar sögðust líka ætla að gera sitt besta
Jongkind býst við erfiðum leik fyrir Íslands hönd. Á blaðamannafundi Heimis Hallgrímssonar og Arons Einars Gunnarssonar spurði hann hvort að hann gæti raunverulega treyst því að Ísland myndi gera sitt besta í keppninni.
Þó svo að Aron Einar og Heimir hafi báðir sagt að Ísland muni gefa allt i leikinn er Jongkind ekki sannfærður.
„Þetta verður mjög erfiður leikur. Þið hafið gert kraftaverk í þessum riðli þannig þið eigið tækifæri. En ef þú spyrð mig hvort Holland sé að fara í umspilið, þá hef ég ekki trú á því," sagði hann.
„Örlög okkar eru í ykkar höndum og ég þarf að ýta aðeins á eftir ykkur. Ég var í Prag síðasta laugardag og Tékkland var að mæta Tyrklandi eins og þið gerið núna. Ég spurði þjálfara Tékklands og leikmenn sömu spurninga: Ætlið þið að gera ykkar besta? Þeir sögðust auðvitað ætla að gera það því þeir vildu enda á toppi riðilsins fyrir ofan Ísland, en svo spiluðu þeir mjög illa."
„Þannig þið getið sagt að þið ætlið að gera ykkar besta, en ef þið hafið ekki að neinu að keppa getur það orðið mjög erfitt. Þess vegna spurði ég hvort að Ísland ætlaði að gera sitt besta. Fyrirliðinn sagði að liðið ætlaði að leggja allt í þetta og vildi vinna og ég verð að trúa því."
Heimir Hallgrímsson var ekki hrifinn af spurningu Jongkind og sagði að Ísland ætlaði sér sigur fyrir sjálfa sig, ekki Hollendinga.
„Ég sá svipinn á honum og hann hefur auðvitað rétt fyrir sér. En ég hef mín markmið svo ég varð að spyrja þessarar spurningar. En ef hann stendur sig vel fyrir Ísland er það gott fyrir Holland líka, þannig að gangi ykkur vel!
Athugasemdir
