Vængmaðurinn Patrick Roberts hefur skrifað undir samning við Middlesbrough í næst efstu deild Englands.
Þetta var staðfest í dag en Roberts skrifar undir lánssamning sem gildir út tímabilið. Hann lék með liðinu á láni á síðasta tímabili og skoraði þá eitt mark í sjö leikjum.
Um er að ræða 23 ára gamlan kantmann sem hefur verið samningsbundinn Manchester City síðan 2015.
Tækifærin hafa ekki verið mörg á Etihad en Roberts á aðeins að baki einn deildarleik fyrir enska stórliðið.
Eftir að hafa komið frá Fulham árið 2015 þá hefur Roberts einnig leikið með Celtic, Girona og Norwich á láni.
Athugasemdir
