Giggs var aðstoðarmaður Van Gaal en hann yfirgaf félagið þegar Hollendingurinn var rekinn og Jose Mourinho tók við.

Giggs, sem lék allan sinn leikmannaferil með Man Utd, er í dag landsliðsþjálfari Wales. Þar er hann búinn að gera fína hluti, en Wales verður á meðal þáttökuþjóða á EM á næsta ári.

Mark Hughes, sem er einnig fyrrum leikmaður Man Utd, sagði í samtali við BBC: „Ég tel að Ryan sé á góðum stað á þjálfaraferli sínum. Hann er líklegri núna til að fá tækifæri með Man Utd en þegar Van Gaal fór frá félaginu."

„Ef hann gerir vel með Wales á Evrópumótinu, þá er engin ástæða fyrir því að hann ætti ekki að vera í umræðunni um starfið hjá Man Utd þegar það losnar."

Ole Gunnar Solskjær er í dag stjóri Manchester United.