Hollenski miðjumaðurinn Tijjani Reijnders hefur verið að gera frábæra hluti frá komu sinni til AC Milan í fyrrasumar.
Reijnders er 26 ára gamall og er strax orðinn mikilvægur partur af sterkri miðju Milan.
Milan borgaði um 20 milljónir evra til að kaupa Reijnders í fyrra en FC Barcelona reyndi einnig að kaupa hann.
„Deco (yfirmaður fótboltamála hjá Barcelona) ræddi við mig. Hann sagði að þeir væru að leita eftir arftaka fyrir Sergio Busquets á miðjunni," segir Martin Reijnders, faðir Tijjani og fyrrum leikmaður í neðri deildunum í Hollandi.
„Ég sagði við son minn að hann er ekki þessi týpa af leikmanni og að hann myndi sitja á bekknum hjá Barcelona. Hann fór í staðinn til Milan og er ómissandi hluti af byrjunarliðinu þar."
Athugasemdir
