Sala og flugmaðurinn David Ibbotson létu lífið þegar vélin hrapaði í Ermarsund í janúar 2019 en Sala var þá á leið frá Frakklandi til Wales þar sem hann verið keyptur til Cardiff City fyrir 15 milljónir punda.

Hinn 67 ára David Henderson mun komast að því þann 12. nóvember hvaða refsingu hann fær.

Eftir að hann komst að því að flugvélin hefði hrapað sendi hann skilaboð til nokkurra aðila og sagði þeim að tjá sig ekkert því það myndi „opna ormagryfju".

Fay Keely, sem átti flugvélina, sagði Henderson, sem hafði umsjón með vélinni, að láta Ibbotson ekki fljúga. Hún hafði fengið skilaboð frá flugmálayfirvöldum um tvö loftvarnarbrot sem hann hafði framið.

Henderson skipulagði flugið um miðja nótt þrátt fyrir að hafa vitað að Ibbotson var ekki með réttindi til að fljúga í myrkri og hafði ekki reynslu af flugi í vondu veðri.

Henderson sá um að halda flugvélinni við, leigja hana út og velja flugmenn. Keely segist hafa sent Henderson tölvupóst um að Ibbotson ætti ekki að vera ráðinn til að fljúga vélinni, mánuði áður en slysið varð.

Henderson flaug Sala ekki sjálfur þar sem hann var í fríi í París með eiginkonu sinni og fékk þá Ibbotson í verkið. Hann var hinsvegar með útrunnin réttindi.