Glódís Perla Viggósdóttir, fyrirliði Bayern, var á sínum stað í byrjunarliðinu þegar liðið fékk Juventus í heimsókn í næst síðustu umferð í C-riðli Meistaradeildarinnar í kvöld.
Glódís lagði upp þriðja mark liðsins í 4-0 sigri þegar hún átti langa sendingu fram völlinn á Klara Buhl sem skoraði.
Sædís Rún Heiðarsdóttir var í byrjunarliði Valerenga sem tapaði gegn Arsenal á heimavelli í sama riðli. Hún var tekin af velli eftir klukkutíma leik.
Bayern er á toppnum með 13 stig fyrir lokaumferðina þar sem liðið heimsækir Arsenal. Það verður úrslitaleikur um toppsætið þar sem Arsenal er með 12 stig.
Þá spila Valerenga og Juventus á Ítalíu en Juventus er í 3. sæti með þrjú stig og Valerenga á botninum með eitt stig.
Bayern W 4 - 0 Juventus W
1-0 J. Damnjanovic ('22 )
2-0 P. Harder('52 )
3-0 K. Buhl ('73 )
4-0 A. Sehitler ('82 )
Valerenga W 1 - 3 Arsenal W
0-1 A. Russo ('25 )
0-2 F. Leonhardsen-Maanum ('37 )
0-3 A. Russo ('58 )
1-3 T. Lindwall ('85 )
Athugasemdir
