Seldur tæpu hálfu ári eftir að hafa verið keyptur?

Ui-Jo var keyptur á 4 milljónir evra frá franska félaginu Bordeaux síðasta sumar í stærsta glugga sem Nottingham Forest hefur átt í sögunni.

Framherjinn var lánaður umsvifalaust til gríska meistaraliðsins Olympiakos en bæði félög eru í eigu umdeilda viðskiptajöfursins Evangelos Marinakis.

Suður-Kóreumaðurinn hefur ekki riðið feitum hesti í Grikklandi en hann hefur aðeins lagt upp eitt mark í tólf leikjum með liðinu. Þá hefur hann ekki verið í leikmannahóp liðsins í deildinni í síðustu níu leikjum og útlit fyrir að hann sé á förum í þessum glugga.

Forest er með tilboð frá bandaríska félaginu Minnesota United í framherjann og þá er Atlanta United einnig áhugasamt um að fá hann.