Þrír fyrrum Pepsi Max-leikmenn spila saman í Danmörku

Arnold fylgist vel með gangi mála í Pepsi Max-deildinni hér á Íslandi en hann starfar sem ráðgjafi hjá Football Radar í London og þar fjallar hann um efstu deild karla á Íslandi.

Hann bendir á þá skemmtilegu staðreynd í dag að þrír leikmenn sem spilað hafa á Ísland séu samankomnir í einu félagi í dönsku 1. deildinni; HB Køge.

Miðjumaðurinn Lasse Petry yfirgaf nýlega herbúðir Vals eftir að hafa orðið Íslandsmeistari og gekk í raðir HB Køge. Þá eru varnarmennirnir Eddi Gomes og Mikkel Qvist á mála hjá félaginu.

Gomes spilaði með FH á láni sumarið 2018 og Qvist var á láni hjá KA í fyrra.

HB Køge er í áttunda sæti dönsku B-deildarinnar þessa stundina. Liðið á heimaleik við Hobro í dag.

Something of a Pepsi-Max all stars team forming at @hbkogedk, just noticed that Lasse Petry, Eddi Gomes and Mikkel Qvist are all starting there.

— Lucas Arnold (@FotboltiLucas) February 13, 2021