Dalvík/Reynir tóku á móti Njarðvíkingum í 12.umferð Lengjudeildar karla í dag á Dalvíkurvelli.
Dalvíkingar höfðu fyrir leikinn í dag tapað síðustu fjórum leikjum sínum en sóttu sterkt stig á heimavelli í dag.
Lestu um leikinn: Dalvík/Reynir 0 - 0 Njarðvík
„Ég er alltaf ánægður með stig. Það er betra eitt stig en ekki neitt." Sagði Dragan Stojanovic þjálfari Dalvíkinga eftir leikinn í dag.
„Við vorum bara betra liðið í dag. Við áttum að klára þennan leik í fyrri hálfleik. Við fengum tvisvar einn á móti markmanni og eigum tvö hálffæri í viðbót. Við áttum að skora í fyrri hálfleik og óskiljanlegt að við gerðum það ekki."
„Við lögðum upp leikinn að pressa strax og við vorum með sterkan vind með okkur í fyrri hálfleik og við vissum það að þetta er mjög gott lið og við styrktum aðeins í vörninni og fórum upp og pressuðum. Mér fannst við standa okkur vel í dag."
Dalvík/Reyni var búið að tapa síðustu fjórum leikjum fyrir þennan leik og Dragan vildi meina að hans lið hefur verið óheppið með færanýtingu.
„Jájá en þessir fjórir leikir sem við höfum tapað í röð þá höfum við verið inn í leiknum allan tíman og í hverjum leik fengið 2-3 dauðafæri eins og í dag. Við erum svolítið óheppnir að klára ekki okkar færi og ef við hefðum klárað helmingin af þeim færum sem við höfum verið að fá þá værum við með svona 13-15 stig í dag."
Nánar er rætt við Dragan Stojanovic í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
