Brendan Rodgers var látinn fara frá Liverpool í byrjun október árið 2015 eftir slaka byrjun á tímabilinu en nokkrum dögum síðar var Klopp ráðinn.

Fowler, sem lék með Liverpool, tók viðtal við Klopp fyrir nokkrum árum en þýski þjálfarinn viðurkenndi að hann hafnaði bæði Manchester United og Real Madrid.

„Ég tók viðtal við hann fyrir nokkrum árum og þar sagði hann mér að hann afnaði liðum á borð við Manchester United og líklegast Real Madrid því hann þoldi ekki hvernig félögin væru aðallega að einblína á auglýsingamarkað," sagði Fowler.

„Honum leist vel á Liverpool því það var gott jafnvægi hjá klúbbnum. Hann var hrifinn af sögu félagsins og stuðningsmönnunum, Hann vildi gera frábæra hluti á Anfield og vissi að hann gæti gert þetta án þess að Liverpool væri einhver forríkur klúbbur og hann vissi að hann gæti gert þetta á annan hátt. Hann hefur svo sannarlega náð því markmiðið og stuðningsmennirnir finna fyrir stolti á ný og ég hef orðið vitni að því," sagði Fowler í lokin.