sun 13. nóvember 2022 11:20
Aksentije Milisic
Robertson jafnaði met Baines í gær
Andy Robertson.
Andy Robertson.
Mynd: Getty Images

Andy Robertson, bakvörður Liverpool, lagði upp tvö mörk í gær þegar Liverpool lagði Southampton að velli með þremur mörkum gegn einu.


Fyrst átti hann aukaspyrnu beint á kollinn á Roberto Firmino sem skoraði og síðari átti hann fyrirgjöf á Darwin Nunez sem tæklaði knöttinn í netið.

Þessar tvær stoðsendingar hjá Robertson þýða það að hann er nú búinn að jafna met Leighton Baines, fyrrverandi leikmanns Everton, yfir flestar stoðsendingar frá varnarmanni í ensku úrvalsdeildinni.

Baines átti 53 stoðsendingar á sínum ferli og nú er Robertson kominn með sama fjölda og einungis tímaspursmál hvenær metið verður slegið af honum.

Robertson kom til Liverpool frá Hull City árið 2017.


Athugasemdir
banner
banner
banner