Gini Wijnaldum, leikmaður AS Roma á Ítalíu, hefur verið meiddur frá því hann kom til liðsins í ágúst mánuði.
Hollendingurinn er með brot í beini á hægri sköflungi en hann kom inn á sem varamaður í fyrsta deildarleik Roma á tímabilinu áður en hann lenti í þessum leiðinlegu meiðslum.
Roma bindur vonir við það að Wijnaldum geti byrjað að æfa í næsta mánuði en Roma fer til Portúgals í æfingabúðir á meðan Heimsmeistaramótinu stendur yfir.
Þann 9. janúar mætir Roma aftur til leiks eftir pásuna og fær liðið AC Milan í heimsókn í stórleik. Það er raunhæfur möguleiki fyrir Wijnaldum að vera klár í slaginn þá.
Wijnaldum á 26 mörk í 86 landsleikjum fyrir Holland.
Athugasemdir
