Bernabe hefur verið rekinn frá Lazio.
Ítalska félagið Lazio hefur rekið fuglatemjarann Juan Bernabe sem hefur séð um lukkudýr félagsins, örn sem nefnist Olimpia, síðan 2010.
Olimpia er gríðarlega vinsæll örn og svífur um Ólympíuleikvanginn í Róm fyrir heimaleiki Lazio. Örn er í merki félagsins.
Olimpia er gríðarlega vinsæll örn og svífur um Ólympíuleikvanginn í Róm fyrir heimaleiki Lazio. Örn er í merki félagsins.
Ástæðan fyrir því að Bernabe var rekinn er sú að hann birti myndbönd og myndir á samfélagsmiðlum af getnaðarlim sínum eftir að hann hafði gengist undir aðgerð.
Lazio segir að félaginu sé brugðið eftir myndbirtingarnar. Félagið skilji að það sé missir að vera ekki með örninn á næstu leikjum en það hafi ekki verið hægt að tengja merki félagsins við einstakling eins og Bernabe.
Bernabe segist hafa alist upp í mjög frjálslyndri fjölskyldu þar sem nekt er ekki talin óeðlileg. Hann hafi viljað skapa umræðu um aðgerðina sem hann gekkst undir.
Árið 2021 var Bernabe settur í bann fyrir að senda fasistakveðju í leik gegn Inter. Hann viðurkenndi að vera mikill aðdáandi Benito Mussolini og sagði hann hafa gert frábæra hluti fyrir Íítölsku þjóðina.
Athugasemdir
