Norðmaðurinn öflugi var valinn besti leikmaður mánaðarins í janúar þar sem hann gerði fimm mörk á rúmlega 50 mínútum. Í heildina er hann kominn með átta mörk á tæpum 300 mínútum hjá sínu nýja félagi.

Þessi markaskorun er í takt við gengi Haaland hjá RB Salzburg í austurríska boltanum. Þar raðaði hann inn mörkunum og skoraði meðal annars átta sinnum í sex leikjum í riðlakeppni Meistaradeildarinnar.

Haaland er einnig kominn með eina stoðsendingu í þýsku deildinni en hann kostaði ekki nema 20 milljónir evra. Markaðsvirði hans er nú talið vera 60 milljónir evra af transfermarkt.