Í leiknum í gær.
Sveinn Gísli Þorkelsson, sem spilaði 10 leiki með Víkingi R. í Bestu deildinni í fyrra, var í byrjunarliðinu gegn Panathinaikos í gær.
Lestu um leikinn: Víkingur R. 2 - 1 Panathinaikos
Víkingur vann óvæntan 2-1 sigur og átti Sveinn Gísli, sem er fæddur 2003, mjög góðan leik í hjarta varnarinnar.
Sölvi Geir Ottesen þjálfari Víkings var mjög ánægður með frammistöðu Sveins og segir að hann geti orðið besti hafsent liðsins í framtíðinni.
„Sveinn Gísli átti frábæran leik. Hann er ungur leikmaður sem spilaði ekki mikið í fyrra og er að fá stærra hlutverk í ár. Við viljum gefa honum þennan séns til að hjálpa hans þróun því hann á alla möguleika að verða okkar besti hafsent. Ég segi það hér og nú," sagði Sölvi í viðtali að leikslokum.
„Hann sýndi það í dag að hann er með skrokkinn, kraftinn og tæknina sem þarf. Þetta er svipað dæmi og þegar Logi (Tómasson) fékk sénsinn á móti Lech Poznan.
„Ég sagði við Svein Gísla fyrir leik að sama hvað gerist í þessum leik þá er þetta bara win-win situation. Ef þú skítur upp á bak og gerir stór mistök þá lærir þú mest af því. Ef þú átt frábæran leik þá vex þú og vex sjálfstraustið. Þú hefur í raun engu að tapa í þessum leik. Hann á allt hrós skilið fyrir sína frammistöðu."
Athugasemdir
