Katrín Rut Kvaran er gengin til liðs við Gróttu frá Aftureldingu og skrifar undir tveggja ára samning.
Katrín Rut er 22 ára og er uppalin í Val þar sem hún spilaði sinn fyrsta meistaraflokks leik í efstu deild árið 2018. Hún lék með Þrótti ári síðar og var hjá Aftureldingu frá 2020.
Hún hefur þegar reimað á sig skóna með Gróttu en hún lék síðasta stundafjórðunginn með liðinu í 2-1 tapi gegn Haukum í Lengjubikarnum í gær.
Hún mun koma til með að hjálpa liðinu í Lengjudeildinni næsta sumar en liðið var hársbreidd frá því að komast upp í fyrra en það munaði aðeins um markatöluna.
Athugasemdir
