Jamal Musiala var stórkostlegur þegar Þýskaland valtaði yfir Skotland í opnunarleik EM í Þýskalandi í kvöld.

Florian Wirtz, Jamal Musiala, Kai Havertz, Niclas Fullkrug (2) og Emre Can skoruðu mörkin fyrir Þjóðverja og Antonio Rudiger varð fyrir því óláni að skora sjálfsmark.

Goal.com taldi hann eiga fullkominn leik og gaf honum tíu í einkunn. Hann kom liðinu í 2-0 með laglegu marki og fór margoft illa með varnarmenn Skotlands. Ilkay Gundogan og Florian Wirtz fengu níu og þá kom Niclas Fullkrug inn á sem varamaður og skoraði tvö mörk og fær átta í einkunn.

Skotar áttu mjög slæman dag en Ryan Porteous átti skelfilegan dag, hann átti í miklum vandræðum þangað til hann lauk leik undir lok fyrri hálfleiks þegar hann fékk rautt spjald fyrir skelfilegt brot á Ilkay Gundogan inn í teig Skota. Hann fær aðeins tvo í einkunn en flestir í liðinu fá falleinkunn.