Á mánudaginn hefjast réttarhöldin þar sem tekið verður fyrir 115 ákærur á hendur Manchester City vegna meintra fjármálabrota í ensku úrvalsdeildinni.
Javier Tebas, forseti spænsku deildarinnar, hefur lengi verið á móti aðferðum City en hann segir að önnur ensk félög vonist til að City verði refsað.
Pep Guardiola, stjóri Man City, var spurður út í þessi ummæli Tebas á blaðamannafundi.
„Öll liðin í úrvalsdeildinni vilja að okkur verði refsað, það er ljóst. Ég vil segja við Tebas og úrvalsdeildina að bíða eftir óháðu nefndinni. Réttlætið er til staðar í nútíma lýðræði, það er ekki flóknara en það. Ég veit ekki hvort hann er lögfræðingur eða restin af úrvalsdeildarliðunum eru lögfræðingar," sagði Guardiola.
Athugasemdir
