'Rosalega góð tilfinning þegar maður finnur það svona sterkt'
'Það voru örfáir leikir sem við unnum ekki á sínum tíma þegar ég var þarna í yngri flokkunum þannig ég vonast til að búa til ennþá fleiri góðar minningar í henni.'
'Að hafa unnið titil með Vestra var og kemur til með að vera mjög sérstakt að hafa gert'
Ágúst Eðvald Hlynsson er mættur aftur í Þór eftir 13 ára fjarveru, hann er uppalinn hjá félaginu en fór í 4. flokki til Breiðabliks og svo þaðan til Norwich á Englandi áður en meistaraflokksferilinn hófst. Þór vann Lengjudeildina í sumar og verður í Bestu deildinni næsta sumar.
Ágúst, sem er 25 ára sóknarsinnaður leikmaður, kemur til Þórs frá Vestra þar sem hann varð bikarmeistari. Hann ræddi við Fótbolta.net um félagaskiptin.
Ágúst, sem er 25 ára sóknarsinnaður leikmaður, kemur til Þórs frá Vestra þar sem hann varð bikarmeistari. Hann ræddi við Fótbolta.net um félagaskiptin.
„Það er bara frábær tilhugsun að klæðast treyjunni aftur og ég er mjög spenntur fyrir því, allar tilfinningar fyrir þessu eru bara hrikalega góðar og get ekki beðið eftir því að mæta aftur á æfingar í Hamri."
„Ég klæddist síðast treyjunni árið 2012 og á fáránlega mikið af góðum minningum í treyjunni. Það voru örfáir leikir sem við unnum ekki á sínum tíma þegar ég var þarna í yngri flokkunum þannig ég vonast til að búa til ennþá fleiri góðar minningar í henni."
„Það sem heillar mest við Þór er bara metnaðurinn og ástríðan sem er þarna, maður fann svo mikið fyrir því þegar maður átti samtöl við alla í kringum klúbbinn að menn vilja bara halda áfram að bæta það sem hefur verið gert síðustu misseri. Ég var hrikalega spenntur að taka þátt í því verkefni og svo höfðu þeir bara svo mikinn áhuga að fá mig að ég varð bara fáránlega spenntur fyrir þessu."
Ágúst var með aðra möguleika í stöðunni, þar á meðal tilboð frá grönnunum í KA og frá Val.
Var þetta auðveld ákvörðun?
„Já, þegar uppi var staðið var þetta auðveld ákvörðun. Eftir að hafa talað við þjálfarateymið og Svein Elías (formann fótboltadeildar) þá fann ég að þetta var það sem mig langaði að gera og rosalega góð tilfinning þegar maður finnur það svona sterkt."
„Það voru nokkur lið sem sýndu einnig áhuga að fá mig og klárlega sumt sem var líka spennandi, en ef ég var að fara norður að spila þá fann ég það að það var bara Þór sem kom til greina."
Hvernig hafa síðustu vikur verið?
„Síðustu vikur hafa alveg tekið á ég viðurkenni alveg að ég spáði mikið í framtíðinni og hvað væri best að gera sem fótboltamaður, Ég hef átt þó nokkur samtöl, það er ekkert sérstakt fyrir mann sem spáir rosalega mikið í hlutunum og ofhugsar hlutina stundum, en svo bara fann ég það að ég vildi spila fyrir Þór, fara þangað, og líður mér rosalega vel eftir þá ákvörðun og get slakað á núna."
Varstu að bíða eftir einhverju sérstöku?
„Nei, alls ekki að bíða eftir neinu sérstöku. Þegar maður er í þessari stöðu vill maður sjá hvað kemur á yfirborðið og meta svo hlutina."
Hvað langar þig að afreka hjá Þór?
„Mig langar bara að halda áfram að þróa mig sem fótboltamann og verða betri og ég held að þetta sé rétti staðurinn fyrir það. Mig langar að taka næsta skref sem leikmaður, vinna leiki með Þór."
„Ég vil auðvitað byrja á því að halda okkur í deildinni og svo byggja ofan á það, halda áfram svo áfram að gleðja stuðningsmenn Þórs eins og var gert á síðasta tímabili."
Hvernig var tíminn hjá Vestra?
„Tíminn hjá Vestra var heilt yfir frábær, æðislegur klefi og fólk sem maður fékk að vinna með. Að hafa unnið titil með Vestra var og kemur til með að vera mjög sérstakt að hafa gert."
„Það var mjög leiðinlegt hvernig þetta allt saman endaði hjá okkur, en þegar lít til baka þá var þetta geggjað ævintýri og sé ekki eftir í eina sekúndu að hafa flutt frá Kaupmannahöfn til Ísafjarðar," segir Ágúst.
Athugasemdir
