Fótbolti.net

Haraldur Freyr um völlinn: Hefur bara hellings áhrif

Stefan Ljubicic: Bara teipað og tvær til þrjár verkjatöflur

Óli ekki með miklar áhyggjur af bitleysi Blika - „Eigum eftir að laga þetta“

Stubbur: Jú jú, það var eitthvað að gera

Haddi: Fer ánægður með stigið norður

Lárus Orri: Hann hlýtur að vera í liði umferðarinnar

Davíð Smári: Gaman að byrja þetta með alvöru hvelli

Venni: Honum líður vel og er ekki að fara neitt

Mæta pressulausar inn í tímabilið - „Höfum trú á verkefninu“

„Vorum ekkert sérlega ánægðar með það“

„Vissi að pressan kæmi þegar ég tók við sem þjálfari Breiðabliks“

Myndir: Grétar heppinn að fá ekki rautt?

„Okkur var líka spáð falli í fyrra og við afsönnuðum það“

Efstur á óskalista leikmanna - „Þakklátur og smá meyr“

Linda Líf: Það trylltist allt

Glódís: Ótrúlega stolt að spila fyrir Ísland

Emilía Kiær: Kannski hefði hann farið inn á öðrum degi

Ída Marín: Þessi í markinu var ótrúlega pirrandi

Sveindís: Þetta er ekki bölvun - stundum vantar bara heppnina

„Drullusvekkjandi - áttum skilið meira en núll stig“

lau 14. september 2024 17:50

Stefán Marteinn Ólafsson

Gunnar Heiðar: Við erum ekki bara körfuboltalið

Gunnar Heiðar Þorvaldsson þjálfari Njarðvíkur

Mynd: Fótbolti.net - Hafliði Breiðfjörð

Njarðvíkingar voru grátlega nálægt því að komast í umspil fyrir laust sæti í Bestu deildinni að ári. Njarðvíkingar urðu að vinna til að tryggja sig í umspil eða treysta á hagstæð úrslit úr öðrum leik til að jafntefli myndi duga.

Það fór svo að jafnteflið nægði ekki og sitja Njarðvíkingar með sárt ennið í 6.sæti deildarinnar og rétt missa af umspili.

Lestu um leikinn: Grindavík 2 - 2 Njarðvík

„Við ætluðum að koma hingað og ná í sigur. Mér fannst við vera að byrja leikinn svolítið svona að maður fann það að það var svolítið stress í mínum mönnum." Sagði Gunnar Heiðar Þorvaldsson þjálfari Njarðvíkinga eftir leikinn í dag.

„Ég fann að við vorum kannski ekki alveg að spila okkar leik en við náum mjög góðu marki sem að aðeins létu axlirnar síga hjá okkur. Okkur leið bara vel eftir það og mér fannst við algjörlega stýra leiknum eftir það."

„Við eigum dauðafæri áður en þeir fá þett mark úr hornspyrnu sem að einhverjir tveir, þrír boltar sem detta dauðir og auðvitað eigum við að vera nær þessu og það er eitthvað drauma 'finish' sem að verður til þess að þeir komast inn í leikinn 1-1 og svo er bara einbeitingarleysi þarna í tvær mínútur sem að hleypir þeim eitthvað inn í þetta og sé sá nú ekki alveg hvernig annað markið var en þetta er ógeðslega erfitt að kyngja þessu."

„Við reyndum að gera það sem við gátum til þess að reyna skora þessi tvö mörk í viðbót og við náðum einu en það var bara of seint fyrir okkur en við reyndum og reyndum."

Njarðvíkingar hafa spilað vel í sumar og Gunnar Heiðar horfir spentur á framhaldið.

„Gríðarlega spennandi, virkilega. Núna erum við búnir að setja okkur aðeins á kortið og núna vita allir allavega af okkur. Við erum ekki bara körfuboltalið, við erum líka með fótboltadeild hérna. Við erum bara helvíti góðir og sú vinna fer bara strax á mánudaginn í það að byggja upp klúbb og lið sem er að fara berjast á toppnum á næsta ári."