14.05.2024 15:30

Liðsfélagarnir með efasemdir um að Fernandes verði áfram

Greint er frá því að Fernandes og umboðsteymi hans ræddu við stjórnendur Man Utd til lengdar í síðustu viku og voru viðræðurnar jákvæðar. Þar kom í ljós skýr áhugi frá leikmanninum um að vera áfram í Manchester og þá gerði félagið honum ljóst að hann væri lykilmaður, enda er Fernandes fyrirliði og einn af bestu leikmönnum Rauðu djöflanna.

Fernandes er 29 ára gamall og á tvö ár eftir af samningi sínum við Man Utd, með möguleika á eins árs framlengingu. Hann hefur komið að 26 mörkum í 45 leikjum á tímabilinu sem er að ljúka, en hann á í heildina 230 leiki að baki fyrir félagið.

Fernandes hefur mikla trú á teymi INEOS sem stýrir nú leikmannamálum Man Utd og er spenntur fyrir framhaldinu undir þeirra leiðsögn.

Athletic greinir frá því að Fernandes vill sjá sannanir fyrir loforðum frá INEOS teyminu en niðurstaða fundarins er sú að leikmaðurinn verður að öllum líkindum áfram í Manchester.