3. deild: Augnablik á toppinn eftir sigur gegn Magna

Augnablik tók á móti Magna í fyrri leik dagsins í 3. deild karla og tóku heimamenn forystuna snemma þegar Halldór Atli Kristjánsson skoraði á fjórtándu mínútu.

Viktor Andri Pétursson tvöfaldaði forystu Augnabliks í uppbótartíma fyrri hálfleiks og var staðan 2-0 í leikhlé.

Magna tókst ekki að koma til baka í síðari hálfleik. Augnablik hélt hreinu og skóp dýrmætan sigur í toppbaráttunni.

Augnablik er á toppi deildarinnar eftir þennan sigur, með 18 stig eftir 7 umferðir.

Magni er í fimmta sæti, fimm stigum á eftir Augnabliki.