Spænski kantmaðurinn Lamine Yamal verður yngsti leikmaður í sögu Evrópumótsins þegar hann mætir til leiks með spænska landsliðinu innan skamms.
Hinn feykiöflugi Yamal er í byrjunarliði Spánverja þrátt fyrir að vera ekki orðinn 17 ára gamall.
Yamal hefur nú þegar skorað 2 mörk og gefið 4 stoðsendingar í 7 landsleikjum með Spáni - þar sem hann hefur í heildina spilað rétt tæplega 400 mínútur. Það er mark eða stoðsending á 66 mínútna fresti.
Þetta er mjög sérstakur dagur fyrir Yamal þar sem faðir hans, Mounir Nasraoui, á einnig afmæli í dag.
Yamal býr yfir góðri leikreynslu á hæsta gæðastigi þar sem hann hefur komið að 17 mörkum í 51 leik með stórveldi Barcelona.
Athugasemdir
