Byrjunarlið Breiðabliks og Víkings: Ísak ekki með

Það er ljóst að baráttan mun verða hörð á Kópavogsvelli en Breiðablik hefur fyrir leikinn í dag átta stiga forystu á Víkinga sem sitja í þriðja sæti deildarinnar en hafa þó leikið einum leik minna. Breiðablik getur því farið langleiðina með því að tryggja sér efsta sætið áður en deildinni verður skipt upp í tvennt en vinni Víkingur þá jafna þeir KA að stigum í öðru sæti deildarinnar og geta minnkað forystu Blika í tvö stig með hagstæðum úrslitum í leiknum sem þeir eiga til góða og komið með gríðarlega spennu fyrir lokakafla mótsins.

Breiðablik gerir þrjár breytingar á sínu liði frá leiknum gegn Istanbul Basaksehir en inn í liðið koma Oliver Sigurjónsson, Viktor Örn Margeirsson og Davíð Ingvarsson.

Ísak Snær Þorvaldsson, sem hefur verið magnaður í sumar, er ekki með vegna höfuðmeiðsla.

Víkingar gera þá tvær breytingar á sínu liði frá einvígi sínu gegn Lech Poznan en inn koma Danijel Djuric og Davíð Örn Atlason. Danijel er að mæta sínum gömlu félögum í Breiðabliki.