Udogie er lentur í læknisskoðun hjá Tottenham

Udogie kemur frá Udinese og borgar Tottenham 20 milljónir punda fyrir. Bakvörðurinn fer aftur til Ítalíu á eins árs lánssamningi og mun því ekki spila fyrir Tottenham fyrr en haustið 2023 í fyrsta lagi.

Táningurinn átti frábært tímabil með Udinese á síðustu leiktíð og er byrjaður að spila með U21 árs landsliðinu þrátt fyrir að eiga ekki tvítugsafmæli fyrr en í lok nóvember.

Udogie skoraði 5 mörk í 35 deildarleikjum á síðustu leiktíð og var meðal annars eftirsóttur af stórliðum í heimalandinu en Tottenham vann kapphlaupið.