Þór/KA 3 - 1 Stjarnan (17:30 í kvöld)
Þar sem það virðist ekkert ganga upp hjá karlaliðinu ætla ég að gleðja Sæbjörn Steinke vin minn og segja að Þór/KA taki þetta. Fólk má dæma mig en ég held að Sandra María setji þrennu. Það eru ekki mörg mörk í leikjum Stjörnunnar en ég held að þessi opnist aðeins. Stjörnukonur minnka muninn á 90. mínútu af punktinum.

Keflavík 2 - 2 FH (18:00 í kvöld)
Keflavíkurkonur hafa verið ekkert smá óheppnar í seinustu leikjum. Einstaklingsmistök og fleira sem hefur kostað þær mörg stig. FH-ingar aftur á móti, þær hafa ekki verið nægilega góðar og valdið mér pínu vonbrigðum eftir að hafa séð þær á undirbúningstímabilinu. Þetta verður stál í stál en FH-ingar stela punktinum alveg í lokin hugsa ég.

Víkingur R. 4 - 1 Tindastóll (19:15 í kvöld)
Minn maður John Andrews er að gera magnaða hluti með þetta Víkingslið og partýið heldur áfram. Það verður 3-0 fyrir Vikes eftir 10 mínútur og Stólarnir gera þrefalda breytingu eftir korter sem róar þetta niður. Svo bara klára stelpurnar hans John þetta.

Valur 8 - 0 Fylkir (18:00 á þriðjudag)
Eftir jafnteflið í seinasta leik held ég að Pétur Péturs sé virkilega ósáttur og hendir í einhverja veislu fyrir okkur. Fanney Inga ver þrjú víti í leiknum og leggur upp tvö. Ein stoðsendingin verður beint eftir að hafa gripið annað vítið. Fanndís leggur upp fjögur og skorar eitt. Held að Anna Rakel setji allavegana eitt og Ísabella verður einnig á skotskónum.

Þróttur R. 1 - 2 Breiðablik (18:00 á þriðjudag)
Blikaliðið kemst snemma yfir og Nik verður syngjandi og trallandi á hliðarlínunni þangað til Óli Kristjáns hendir í skiptingu undir lokin. Þróttarar jafna á 90. mínútu en á meðan þær eru að fagna stiginu segir Nik “hold my beer” og Katrín Ásbjörns vinnur leikinn. Nik fagnar fyrir framan varamannabekk Þróttara. Þessi sigur verður þýðinganikill.

Fyrri spámenn:
Kristín Dís Árnadóttir (5 réttir)
Guðrún Arnardóttir (5 réttir)
Hafrún Rakel Halldórsdóttir (4 réttir)
Alda Ólafsdóttir (4 réttir)
Elín Björg Norðfjörð Símonardóttir (4 réttir)
Magnús Haukur Harðarson (3 réttir)
Katla Tryggvadóttir (3 réttir)
Jón Stefán Jónsson (3 réttir)
Guðmunda Brynja Óladóttir (3 réttir)
Hildur Antonsdóttir (3 réttir)
Diljá Ýr Zomers (3 réttir)
Helena Ólafsdóttir (3 réttir)
Hildur Karítas Gunnarsdóttir (3 réttir)
Guðný Geirsdóttir (2 réttir)
Bryndís Arna Níelsdóttir (2 réttir)
Cecilía Rán Rúnarsdóttir (2 réttir)