„Þetta er mjög gott lið og ég er mjög ánægð og stolt af liðinu að hafa náð í sigur,“ sagði miðjumaðurinn Karitas Tómasdóttir í liði Selfoss eftir 2-0 sigur á KR.
Lestu um leikinn: KR 0 - 2 Selfoss
Leikurinn í dag var ekki mikið fyrir augað enda aðstæður erfiðar. Það var töluverður vindur og völlurinn þungur af rigningu.
„Það voru allir rennandi. Maður reyndi að hlaupa en það voru í raun allir á rassgatinu allan tímann,“ sagði Karitas létt. Hún er stolt af árangri Selfoss-liðsins í sumar og sendi smá pillu á þá sem höfðu ekki trú á liðinu fyrir mót.
„Ég er ekki frá því að í byrjun tímabilsins hafi okkur verið spáð falli en við ætluðum heldur betur að troða sokkum.“
Hægt er að horfa á allt viðtalið við Karitas í spilaranum hér að ofan.
Athugasemdir
