Hannibal Mejbri
Hannibal Mejbri, leikmaður Burnley og fyrrum leikmaður Man Utd, sakar Milutin Osmajic, leikmann Preston um kynþáttaníð í sinn garð í leik liðanna í Championship deildinni í gær.
Kynþáttaníð hefur því miður verið algengt inn á fótboltavellinum en Hannibal ætlar ekki að þagga málið niður.
„Ég ætla ekki að þegja um það sem gerðist í dag. Ég mun alltaf kalla út rasisma hvenær sem ég heyri eða sé það. Það er eina leiðin sem við breytumst sem íþrótt og samfélag. Ég er sterk manneskja en enginn ætti að þurfa að upplifa þessa ógeðslegu misnotkun á vellinum," skrifaði Hannibal.
Burnley sendi frá sér yfirlýsingu vegna málsins. Þar kemur fram að Hannibal hafi látið dómarann vita af þessu um leið og atvikið átti sér stað, eins og má sjá hér fyrir neðan, þá var þetta einnig tilkynnt eftir leikinn.
„Félagið vill halda áfram að sýna Hannibal fullan stuðning og það verða ekki fleiri athugasemdir fyrr en rannsókninni er lokið," segir í yfirlýsingunni.
Leiknum lauk með markalausu jafntefli en Stefán Teitur Þórðarson var í byrjunarliði Preston og var með bestu mönnum liðsins.
Hannibal Mejbri appears to have been racially abused by a Preston player in today’s game.. clearly not happy about what was said and wanted the game stopped! #MUFC #PNEBUR pic.twitter.com/yjBwcQyFET
— SteMUFC (@EssentialManUTD) February 15, 2025
Athugasemdir
