Gestir vikunnar í sjónvarpsþætti Fótbolta.net. Hjálmar Örn, Jóhann Alfreð og Björn Bragi.
„Við þurfum örlagaspjald eins og í hættuspilinu. Til dæmis jarðskjálfti, þú missir alla leikmennina í næsta leik,“ sagði Björn Bragi Arnarsson í sjónvarpþsætti Fótbolta.net í vikunnar en þar voru ræddar hugmyndir sem hægt væri að breyta í fótboltanum.
„Ég er með þá hugmynd að þú fáir aukastig ef þú vinnur með meira en þremur mörkum. Þú ert búinn að ná þremur stigum og vinnur til dæmis 4-0 þá færðu aukastig,“ sagði Hjálmar Örn Jóhannsson í þættinum.
„Þetta myndi setja pressu á Chelsea, sem er búið að vinna alltaf 1-0 og 2-1,“ sagði Jóhann Alfreð Kristinsson en hann kom einnig með tillögu tengda tillögu Hjálmars.
„Leikmaður skorar glæsilegt mark og það gæti verið dómnefnd sem velur mark helgarinnar. Mark helgarinnar fær svo auka mark og það gæti skilað sér í auka stigi jafnvel ef við höldum áfram með þetta.“
Jóhann Alfreð er einnig hrifinn af því að leikmenn geti verið reknir af velli í ákveðinn tíma. „Van Basten stakk upp á því um daginn að leikmenn fái appelsínugult spjald og fari út af í tíu mínútna kælingu. Það er handboltastemning í því,“ sagði Jóhann.
Hér að ofan má sjá umræðuna í heild sinni en þar komu ýmsar áhugaverðar hugmyndir fram.
Sjá einnig:
Sjónvarpið: Draumalið skemmtilegra leikmanna
Sjónvarpið: Tottenham vinnur pottþétt stóran titil
