Guðný Árnadóttir.
Landsliðsmiðvörðurinn Guðný Árnadóttir fór meidd af velli þegar Napoli gerði jafntefli við Hellas Verona í ítölsku úrvalsdeildinni í dag.
Guðný fékk slink á ökklann um miðbik fyrri hálfleiks og treysti sér ekki til að halda áfram. Guðný fer í frekari skoðun á morgun og vonandi er þetta ekki alvarlegt.
Leikurinn endaði með markalausu jafntefli og er Napoli í tíunda sæti deildarinnar, einu stigi frá fallsvæði þegar einn leikur er eftir.
Lára Kristín Pedersen, sem hefur spilað með Napoli á tímabili, var ekki í leikmannahópi liðsins í dag.
Athugasemdir
