Víkingur Ólafsvík þurfti að sætta sig við súrt tap þegar liðið heimsótti Keflavík á Nettó völlinn í kvöld. Liðin gengu jöfn 1-1 til búningherbergja eftir að hafa fengið sitthvora vítaspyrnuna en þegar yfir lauk voru Keflvíkingar sterkari og tryggðu sér sigurinn með fallegu marki þ.egar um 20 mínútur lifðu leiks.

Lestu um leikinn: Keflavík 2 -  1 Víkingur Ó.

„Þessi leikur gat farið á báða vegu. Við áttum 2-3 góð færi í fyrri hálfleik sem við áttum að nýta og skora og seinni hálfleikur var barningur og erfitt að spila í miklum vindi,“
Sagði Ejub um sín fyrstu viðbrögð eftir leik,

Víkingar lentu í óhappi á leið til Keflavíkur þar sem ekið var á rútu þeirra þar sem hún var kyrrstæð í stæði. Hvað vildi Ejub segja um það atvik?

„Ég var ekki í Borgarnesi en það var keyrt á rútuna en þetta var bara eitthvað smávægilegt slys og ekkert alvarlegt.“

Tvær vítaspyrnur voru dæmdar í fyrri hálfleik. Hvernig horfði það við Ejub?

„Bara mjög svipað. Ef að þetta fyrsta var víti þá var annað það líka og ef ekki fyrst þá ekki annað en það voru mjög erfiðar aðstæður og mér fannst hann dæma leikinn vel.“

Sagði Ejub en allt viðtalið má sjá hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit