Heimild: Mín skoðun
„Við þurfum að halda áfram með þetta lið, og helst þennan þjálfara, byggja ofan á þetta og þá förum við upp í efstu deild á næsta ári," segir Samúel Samúelsson, formaður meistaraflokksráðs Vestra, sem var í viðtali í hlaðvarpsþættinum Mín skoðun.
Vestri sló Íslandsmeistara Vals út í 8-liða úrslitum Mjólkurbikarsins í gær og mun mæta Víkingi í undanúrslitum í byrjun október.
Vestri sló Íslandsmeistara Vals út í 8-liða úrslitum Mjólkurbikarsins í gær og mun mæta Víkingi í undanúrslitum í byrjun október.
Þjálfaraskipti urðu hjá Vestra í sumar og Jón Þór Hauksson tók við og samdi út tímabilið. Samúel leggur mikla áherslu á að gera við hann nýjan samning og er bjartsýnn á að það takist.
„Ég tel að ef Jón hefur tök á því af fjölskylduástæðum að þjálfa þá mun hann þjálfa Vestra," segir Samúel í viðtali við Valtý Björn. „Ég hef verið í góðum samskiptum við umboðsmann hans síðustu daga og þetta er allt í áttina. "
„Ég er bjartsýnismaður og ég ætla að vera bjartsýnn á því að Jón Þór verði þjálfari Vestra áfram."
Þjálfarahræringar eru farnar af stað í íslenska boltanum og þær eiga eftir að verða enn meiri. Ljóst er að nafn Jóns Þórs er á borðum ýmissa félaga.
Vestri er í sjötta sæti Lengjudeildarinnar, liðið stefndi á það fyrir tímabilið að komast upp og sama markmið verður á næsta ári.
Athugasemdir