Fótbolti.net

Spenntur fyrir næsta skrefi - „Einn besti markvarðarþjálfari sem þú finnur á Íslandi"

Heimspekingur, kennari og nú þjálfari - „Þetta eru tímamót"

Bannað að mæta á stjórnarfund og var ráðinn í kjölfarið - „Mjög stoltur að félagið sé til í að veðja á mig"

Sverrir Ingi: Ef við viljum fara alla leið þá þurfum við að vera með okkar bestu menn

Leikplanið breytist þegar Orri meiðist - „Vorum ekki búnir að undirbúa okkur“

Jói Berg: Hareide verið flottur og það er uppgangur

Pirrandi hvernig við köstuðum þessu frá okkur - „Getur ekki kastað sér á bakvið það"

Aron telur Hareide á réttri leið - „Væri klárlega til í að sjá Norðmanninn áfram“

Andri Lucas: Stundum er fótboltinn svona, hann er ekki alltaf fallegur

Gulli Victor: Ég mæti hingað og er fagmaður

Orri Steinn hrósar varamönnunum: Breyta leiknum

Jón Dagur: Hann getur verið erfiður stundum

Jói Berg: Við gerðum þetta oft áður fyrr

Hákon: Hlaut einhver af þeim að hafa verið rangstæður

Logi svekktur að missa af leiknum gegn Wales: Var spenntur

Gripið í eistun á Stefáni - „Skil þetta ekki"

Mikael Egill: Ég sá bara Orra fagna í smettið á þeim

Age hreinskilinn: Fótbolti er fyndin íþrótt

Ísak: Nýtti það að vera smá reiður

Guðlaugur Victor: Hefur verið smá erfitt fyrir mig persónulega

mán 16. október 2023 22:44

Brynjar Ingi Erluson

Elías Rafn: Maður veit aldrei hvað gerist í framhaldinu

Elías Rafn sá til þess að Liechtenstein myndi ekki skora í leiknum

Mynd: Fótbolti.net - Haukur Gunnarsson

Elías Rafn Ólafsson stóð á milli stanganna í 4-0 sigri íslenska landsliðsins á Liechtenstein á Laugardalsvelli í kvöld, en þetta var hans fyrsti leikur í byrjunarliði í tvö ár.

Lestu um leikinn: Ísland 4 - 0 Liechtenstein

Blikinn þurfti að halda einbeitingu allan leikinn þó það hafi nú að mestu verið rólegt kvöld hjá honum.

Hann fékk samt tækifæri til að sýna sig undir lok hálfleiksins er Liechtenstein fékk víti. Hann varði vítið frá Sandro Wieser áður en gestirnir skoruðu úr frákastinu, en dómarinn lét endurtaka spyrnuna þar sem leikmenn beggja liða voru komnir inn í teiginn áður en spyrnan var tekin.

Wieser fór því aftur á punktinn og þrumaði boltanum framhjá markinu. Elías var ánægður að fá tækifærið aftur.

„Ég fékk að vita það í gær á æfingu. Geggjað að fá að vita að maður sé að fara spila heimaleik fyrir framan fjölskylduna og mitt fólk, alveg æðislegt,“ sagði Elías við fjölmiðla í kvöld.

Rúnar Alex Rúnarsson er aðalmarkvörður liðsins og hefur verið það síðan í mars á síðasta ári, en Elías mun styðja við þann markvörð sem spilar.

„Það er hægt að segja það en maður veit aldrei hvað gerist í framhaldinu. Það gæti verið að Alex spili og þá styður maður þann sem spilar,“ sagði Elías sem missti stöðuna er hann meiddist.

„Já, en þetta fer eftir því hvar þú ert að spila og hvernig þú ert að spila á þessum tíma. Ég meiddist og Alex að standa sig vel og þá er erfitt að skipta.“

Eins og áður kom fram var þetta rólegt kvöld hjá Elíasi fyrir utan auðvitað vítin.

„Maður þurfti að halda fókus. Það var ekkert rosalega mikið að gera, en maður komst vel frá þessu og bara fínt.“

„Ég veit ekki hvort ég fái það skráð af því það var endurtekið. Ég tók ekki eftir því, en maður reynir að mjólka þetta og um leið og einhver byrjar að segja þetta þá fer maður á vagninn,“ sagði Elías sem fannst nú frekar þreytt að það þurfti að endurtaka vítið.

„Það er svolítið þreytt en ég þekki ekkert reglurnar með þetta. Hann sagði af því leikmenn beggja liða fóru á undan og því var þetta tekið aftur,“ sagði Elías enn fremur en hann talar um ævintýri sitt í Portúgal og framtíðina hjá Midtjylland í viðtalinu hér að ofan.