Kristján Flóki skoraði tvö í seinni
FH-ingar unnu sannfærandi 5-1 sigur á Njarðvík í Þungavigtarbikarnum í Skessunni í dag. Heimamenn voru marki undir í hálfleik en stilltu saman strengi og skoruðu fimm í þeim síðari.
Símon Logi Thasaphong kom Njarðvíkingum yfir í fyrri hálfleiknum og stóðu leikar þannig þegar gengið var til búningsherbergja.
Í þeim síðari komust FH-ingar í gírinn. Kristján Flóki Finnbogason skoraði tvö og þeir Gils Gíslason, Benjamín Bæring og Bjarni Guðjón Brynjólfsson komust þá einnig á blað.
FH-ingar mæta Keflavík í lokaleik riðilsins næstu helgi en FH-ingar geta þar tryggt sæti sitt í úrslitum.
FH hefur unnið mótið tvisvar en spilað verður um sæti í mars næstkomandi.
Athugasemdir
