Sóknarmaðurinn Hólmbert Aron Friðjónsson er að ganga í raðir Holstein Kiel í Þýskalandi.
Það er vefmiðillinn 433.is sem greinir frá þessu.
Það er vefmiðillinn 433.is sem greinir frá þessu.
Hólmbert er 28 ára gamall en hann gekk í raðir Brescia á Ítalíu í október á síðasta ári.
Hann hefur verið mikið meiddur frá því hann kom til Brescia og ekki spilað mikið. Hann spilaði alls 93 mínútur í ítölsku B-deildinni frá því hann kom til Brescia.
Í grein 433.is segir að Brescia sé búið að samþykkja tilboð Holstein Kiel í Hólmbert.
Holstein Kiel leikur í þýsku B-deildinni og hafnaði þar í þriðja sæti á síðustu leiktíð. Liðið tapaði gegn Köln í umspili um að komast upp í efstu deild. Félagið kom einnig á óvart í bikarkeppninni og komst alla leið í undanúrslit þar. Liðið sló meðal annars Bayern München úr leik.
Athugasemdir