Núna er hægt að bæta Gennaro Gattuso á lista yfir knattspyrnustjóra sem mun ekki taka við Tottenham.
Gattuso ræddi við enska úrvalsdeildarfélagið í gær eftir að það kom í ljós að Paul Fonseca yrði ekki ráðinn.
Þetta vakti hörð viðbrögð hjá stuðningsmönnum Spurs sem vildu ekki sjá Gattuso. Gömul ljót ummæli hans um konur, samkynhneigða og fleira voru grafin upp og fóru þau í dreifingu á samfélagsmiðlum. Myllumerkið #NoToGattuso eða #NeiViðGattuso var mjög vinsælt á samfélagsmiðlum.
Núna er það ljóst að Tottenham ræður hann ekki og segir ítalski fjölmiðlamaðurinn Fabrizio Romano að rödd stuðningsmanna hafi þar spilað stóran þátt.
Gattuso vann eiginlega allt sem hægt var að vinna sem leikmaður AC Milan og varð heimsmeistari með ítalska landsliðinu árið 2006.
Hans fyrsta þjálfarastarf var hjá Sion í Sviss en síðan hefur hann stýrt Palermo, AC Milan og Napoli ásamt Pisa og OFI Crete. Hann tók við Fiorentina fyrir þremur vikum en er hættur þar eftir ágreining um leikmannamál.
Jose Mourinho var rekinn frá félaginu 19. apríl. Ryan Mason kláraði tímabilið sem stjóri liðsins og endaði Tottenham í áttunda sæti ensku úrvalsdeildarinnar. Það hefur gengið ótrúlega illa að finna nýjan stjóra.
After opening meeting with Jorge Mendes, Tottenham told Gattuso they’re not interested in appointing him. ⚪️❌
— Fabrizio Romano (@FabrizioRomano) June 18, 2021
It’s never been a done deal, just an interview with the current frontrunner... as many others made by Spurs this summer. Fans reaction, key for the decision. #THFC
Athugasemdir