Áhrif David Moyes eru þegar farin að sjást á Everton-liðinu en það leiðir með þremur mörgum gegn engu á móti Tottenham á Goodison Park.
Þeir bláklæddu eru að nýta sér meiðslavandræði Tottenham og hafa nýtt færin vel.
Dominic Calvert-Lewin skoraði stórbrotið mark á 13. mínútu er hann fékk boltann í teignum, lék tvisvar á varnarmenn Tottenham áður en hann skoraði. Iliman Ndiaye bætti við öðru eftir hálftíma og þá kom Archie Gray boltanum í eigið net undir lok hálfleiksins.
Þetta er í fyrsta sinn síðan í febrúar árið 2017 sem Everton leiðir með þremur mörkum gegn engu í hálfleik á heimavelli.
Á meðan er allt í molum hjá Ange Postecoglou og Tottenham. Stórt tap í dag gæti verið síðasti naglinn í kistu Ange sem hefur verið gagnrýndur síðustu vikur.
Nottingham Forest er þá að vinna Southampton, 3-0. Forest ætlar sér stóra hluti á tímabilinu og eru að sanna það að þetta er engin bóla.
Elliot Anderson, Callum Hudson-Odoi og Chris Wood skoruðu mörkin, en liðið mun jafna Arsenal, sem er í öðru sæti, að stigum með sigri í dag.
Staðan í leik Man Utd og Brighton er ennþá 1-1.
3 - Today is the first time Everton have led by 3+ goals at half-time of a Premier League home game since February 2017 against Bournemouth, 7 years and 350 days ago. Unstuck. pic.twitter.com/hPWOb1UHNw
— OptaJoe (@OptaJoe) January 19, 2025
Athugasemdir
