Ögmundur Kristinsson.
Ögmundur Kristinsson markvörður er orðaður við grísku meistarana í PAOK. Liðið er sem stendur í öðru sæti, tveimur stigum frá toppnum.
Ögmundur gæti fært sig um set í Grikklandi en hann hefur leikið virkilega vel fyrir AE Larissa.
Á dögunum var sagt frá áhuga AEK í Aþenu og sést því glögglega að Ögmundur hefur skapað sér stórt nafn í landinu.
Ögmundur gæti fært sig um set í Grikklandi en hann hefur leikið virkilega vel fyrir AE Larissa.
Á dögunum var sagt frá áhuga AEK í Aþenu og sést því glögglega að Ögmundur hefur skapað sér stórt nafn í landinu.
„Larissa vill semja aftur við mig og við höfum rætt málin. Ég er að skoða stöðuna en önnur félög hafa sýnt mér áhuga. Ég á því eftir að leggjast yfir það sem er í boði. Ég vil ekki segja allt of mikið um þessi mál að svo stöddu en ég er alla vega spenntur fyrir framtíðinni," sagði Ögmundur í viðtali við Morgunblaðið.
„Persónulega hefur gengið mjög vel hjá mér þessi tæpu tvö ár sem ég hef verið hérna. Ég hef því ekki yfir neinu að kvarta."
Ögmundur er 30 ára og hefur leikið 15 landsleiki fyrir Ísland.
Athugasemdir
