„Ég fékk strax grunsemdir og hringdi í fjölskyldu mína. Þau voru öll með sömu einkenni. Við vorum saman í fjölskylduboði nokkrum dögum áður. Kórónaveiran var mikið í umræðunni þarna og fólk á svæðinu í kring höfðu smitast. Ég vissi strax að við værum komin með veiruna."

Favalli segist hafa verið veikur í þrjá daga.

„Ég óttaðist ekki mikið um sjálfan mig. Ég hafði meiri áhyggjur af ættingjum mínum sem veiktust meira en ég," segir Favalli sem fór í sóttkví á heimili sínu.

Hann lokaði sig inni í herbergi en eiginkona hans notaði aðra hluti í íbúðinni. Hún eldaði mat og skyldi diskinn eftir fyrir framan hurðina að herberginu.

„Miriam, eiginkona mín, var ekki með nein einkenni og ég vildi ekki smita hana. Ég var alltaf með matarlyst en fann ekki bragð eða lykt."

„Að vera eingangraður er erfitt. Ég er vanur miklu félagslífi með eiginkonu minni, fjölskyldu og vinum. Ég var vanur að æfa daglega með liðsfélögunum. Ég hef fengið mörg símtöl og skilaboð og það var gaman að fá þau viðbrögð. Mikilvægast af öllu er að við komumst í gegnum þetta," segir Favalli.