Luke Shaw, bakvörður Manchester United, segir að það sé mikill heiður að fá landsliðskallið á nýjan leik frá Gareth Southgate.
Shaw hefur ekki spilað landsleik síðan í september 2018 en meiðsli og fleira hafa sett strik í reikninginn.
Southgate ákvað að velja Shaw á nýjan leik fyrir leiki í undankeppni HM og gleður það leikmanninn mikið.
„Ég er gríðarlega ánægður. Það er mikill heiður að vera valinn í landsliðið," sagði Shaw við BT Sport en hann lék með Man Utd í 1-0 sigri á AC Milan í gær.
„Ég hef verið frá í dágóðan tíma en það hefur alltaf verið markmiðið að komast aftur í leikmannahópinn."
„Ég er nú búinn að því og hlakka til þess að hitta strákana á ný."
Athugasemdir