„Standið á mér er mjög gott, ég er búinn að spila nánast allar mínútur með Düsseldorf, búinn að skora og leggja upp (mörk)," sagði landsliðsmaðurinn Ísak Bergmann Jóhannesson við Fótbolta.net eftir landsliðsæfingu í gær.
Miðjumaðurinn var aðeins spurður út í stöðu mála hjá félagsliði sínu í Þýskalandi. Liðið er í fjórða sæti 2. Bundesliga og einu stigi frá sæti í umspili um sæti í efstu deild.
Miðjumaðurinn var aðeins spurður út í stöðu mála hjá félagsliði sínu í Þýskalandi. Liðið er í fjórða sæti 2. Bundesliga og einu stigi frá sæti í umspili um sæti í efstu deild.
„Hamburg er í umspilssætinu um að fara upp, það er hörku barátta um að fara upp, það var markmiðið fyrir tímabilið og það væri geðveikt að fara upp í Bundesliguna," sagði Ísak.
Hann er á láni frá FC Kaupmannahöfn en í lánssamningum er kaupmöguleiki fyrir þýska félagið.
„Þeir hafa komið með það út að þeir ætla að kaupa mig ef þeir eiga nægan pening. Mér líður ótrúlega vel þarna, væri náttúrulega geðveikt að fara upp í Bundesliguna og Düsseldorf er geggjuð borg," sagði Ísak.
Athugasemdir