„Þeir eru búnir að standa sig mjög vel. Hafa skorað mörk og spilað vel saman. Það er eins og þeir hafi aldrei gert neitt annað," segir Ármann Smári Björnsson um sóknardúett ÍA, Garðar Gunnlaugsson og Arsenij Buinickij.
Ármann er fyrirliði ÍA og var í viðtali í útvarpsþætti okkar á X-inu FM 97,7 í gær en viðtalið má heyra í heild sinni í spilaranum hér að ofan. Skagamönnum er spáð ellefta sæti Pepsi-deildarinnar og þar með falli.
Ármann er fyrirliði ÍA og var í viðtali í útvarpsþætti okkar á X-inu FM 97,7 í gær en viðtalið má heyra í heild sinni í spilaranum hér að ofan. Skagamönnum er spáð ellefta sæti Pepsi-deildarinnar og þar með falli.
„Eins og sagt er í veðurfréttunum þá er spá bara spá. Við komum inn í mótið sem nýliðar og ætlum að standa okkur eins og menn og berjast fyrir öllum stigum."
„Það er frábært að geta verið allir klárir síðan i byrjun janúar. Við höfum nánast sloppið við öll meiðsli og æft vel."
„Það er karakter og ótrúleg samstað í liðinu. Þetta eru flestir uppaldir Skagamenn og það eru að koma strákar upp úr 2. flokki sem eru að standa sig frábærlega. Það er fullt af strákum sem vilja sýna að þeir eru góðir í fótbolta."
Meðal nýrra leikmanna ÍA er miðjumaðurinn Marko Andelkovic og segir Ármann að þar sé hörkuleikmaður á ferð.
„Ég hef líkt Marko við Sinisa Kekic. Hann er þannig týpa. Vill spila boltanum niðri og halda honum," segir Ármann en viðtalið má heyra í spilaranum hér að ofan.
Athugasemdir
