Kvennalið KR hefur verið aðal umræðuefnið í dag en leikmenn og þjálfarar liðsins gagnrýndu umgjörð liðsins í kjölfarið á því að liðið féll úr Bestu deild kvenna eftir tap gegn Selfossi um helgina.
Það kom upp atvik í leiknum þar sem Hannah Lynne Tillett leikmaður liðsins meiddist illa og hefði þurft börur til að komast út af vellinum. Það var enginn á staðnum með börur og tóku því nokkrir KRingar uppá því að bera hana af velli.
Umræða hefur skapast um það hvernig stæði á því að það hafi enginn verið til taks með börur á vellinum. Það virðist vera í verkahring þjálfara 3. flokks kvk að fá leikmenn þar til að vera á börunum í leikjum meistaraflokks.
Arnar Páll Garðarson annar þjálfara KR er einnig þjálfari 3. flokks en hann skrifaði færslu á Twitter í kvöld þar sem hann tekur þetta á sig. Hann hafi reynt að græja þetta með of stuttum fyrirvara.
Sjá einnig:
„Þegar þeir voru í Evrópukeppni þá komst kvennaliðið ekki á æfingu"