Vinstri bakvörðurinn Maciej Rybus mun ekki spila fyrir pólska landsliðið á HM í Katar seinna á árinu eftir að hann gekk í raðir rússneska félagsins Spartak Moskvu.
Rybus er 32 ára og hefur leikið 66 landsleiki fyrir Pólland. Hann gekk í raðir Spartak Moskvu á frjálsri sölu þann 11. júní.
Pólland neitaði að spila við Rússland í umspilinu fyrir HM vegna innrásarinnar í Úkraínu.
Rybus er 32 ára og hefur leikið 66 landsleiki fyrir Pólland. Hann gekk í raðir Spartak Moskvu á frjálsri sölu þann 11. júní.
Pólland neitaði að spila við Rússland í umspilinu fyrir HM vegna innrásarinnar í Úkraínu.
Í yfirlýsingu frá pólska sambandinu segir að landsliðsþjálfarinn Czeslaw Michniewicz hafi tilkynnt Rybus að í ljósi stöðunnar með félagslið hans þá yrði hann ekki valinn í æfingabúðir Póllands í september. Þar af leiðandi kæmi hann ekki til greina í HM hópinn.
Pólland verður í C-riðli á HM, ásamt Argentínu, Mexíkó og Sádi-Arabíu.
Athugasemdir