Stjarnan vann ÍBV 4-0 í síðasta leik deildarinnar fyrir langt hlé en næsti leikur liðsins er gegn Val þann 28. júlí.

Evrópumót landsliða hefst í næsta mánuði og er því hlé á Bestu-deildinni en Stjörnukonur ætla að mæta af miklum krafti inn í seinni hlutann.

Liðið æfir í þessari viku áður en þær fá vikufrí og svo fer svona annað undirbúningstímabil af stað. Liðið fer svo til Spánar og æfir þar í tíu daga.

„Við æfum í þessari viku og síðan í næstu viku er frí. Síðan byrjum við aftur 4. júlí og æfum í viku áður en við förum til Katalóníu þar sem við verðum í tíu daga og svo æfum við fram að leik. Pásan hjá okkur er bara sex vikur," sagði Kristján í léttu gamni í lok viðtals.

Stjarnan er í 3. sæti deildarinnar með 19 stig eftir sigur gærkvöldsins.