Óskar tók við Dalvík/Reyni haustið 2018 og endaði liðið í 8. sæti í fyrra. Liðinu hefur gengið illa í ár og situr í fallsæti, með 10 stig eftir 17 umferðir.

Dalvíkingar eru þremur stigum frá Víði í öruggu sæti sem stendur, en Víðismenn eiga leik til góða.

Þórir er vel þekktur í Dalvík enda spilaði hann fyrir liðið í þrjú ár. Hann lék svo fyrir Reyni í tvö ár á lokametrum leikmannaferilsins.

Þórir, sem lék lengst af fyrir Þór, tók við stjórnartaumunum hjá Dalvík/Reyni sumarið 2012 og stýrði liðinu til 6. sætis í 2. deildinni, með 36 stig úr 22 leikjum.

„Knattspyrnudeild Dalvíkur vill nota tækifærið og þakka Óskari Bragasyni fyrir sitt framlag til félagsins og óskar honum velfarnaðar í framtíðinni," segir í frétt á dalviksport.is.