Aron Jóhannsson lék allan leikinn í fremstu víglínu er Hammarby var skellt af AIK í efstu deild sænska boltans í dag.
Kolbeinn Sigþórsson var ekki í hópi hjá AIK sem hefur verið í óvæntri fallbaráttu til þessa. Sigurinn í dag kom liðinu úr fallsæti.
AIK vann leikinn 3-0 á heimavelli og er með 21 stig eftir 20 umferðir. Hammarby er í efri hluta deildarinnar og hefði getað jafnað Norrköping á stigum í fjórða sæti með sigri.
AIK 3 - 0 Hammarby
1-0 N. Bahoui ('27)
2-0 P. Abraham ('37)
3-0 M. Lustig ('77)
Í B-deildinni í Svíþjóð var Bjarni Mark Antonsson á miðjunni hjá Brage sem gerði jafntefli við fallbaráttulið Dalkurd.
Seth Hellberg kom Brage yfir á 61. mínútu og virtust gestirnir ætla að sigla sigrinum í höfn.
Í uppbótartíma fékk Alexander Zetterström sitt annað gula spjald og á 97. mínútu kom jöfnunarmark heimamanna.
Brage er sex stigum frá baráttunni um sæti í efstu deild.
Dalkurd 1 - 1 Brage
0-1 Seth Hellberg ('61)
1-1 Mbenza ('97)
Rautt spjald: Alexander Zetterström, Brage ('92)
Paderborn tapaði þá gegn Holsten Kiel í fyrstu umferð þýsku B-deildarinnar. Samúel Kári Friðjónsson var ekki með.
Athugasemdir
