Það er áhugavert að líta á skýrsluna úr þessum leik en samkvæmt henni hefðu mörkin átt að vera mun færri. Fram var með 2,01 í xG og Keflavík - sem gerði átta mörk í leiknum - var með 3,38 xG í gegnum leikinn.

'Expected goals' er tölfræði sem sýnir fram á það hversu líklegt lið er að skori miðað við tækifæri. Færin í þessum leik voru mörg en gæði þeirra voru ekki alveg í samræmi við það hversu mörg mörk voru skoruð í raun og veru.

Þetta var ekki góður dagur fyrir markverði og varnarmenn í þessum liðum.

Það er athyglisvert að Keflavík hefur einu sinni í sumar verið með hærra xG en það var í leik gegn Val. Þá voru þeir með 4,17 í xG en skoruðu bara þrjú mörk í 0-3 sigri.

„Þeir virtust bara þurfa að komast nálægt markinu okkar til þess að skora mörk í dag og það er eitthvað sem er algjörlega óásættanlegt af okkar hálfu," sagði Jón Sveinsson, þjálfari Fram, eftir leikinn.

Keflavík og Fram eigast aftur við 29. október. Hvernig fer þá?