20.09.22 - 15:08
Elvar Geir Magnússon
UEFA staðfestir að Rússland getur ekki verið með á EM 2024
Frá Moskvu í Rússlandi.
Mynd: Getty Images
Frá Moskvu í Rússlandi.
Mynd: Getty Images
Þann 9. október verður dregið í riðla fyrir undankeppni EM 2024 en keppnin verður haldin í Þýskalandi. Drátturinn verður í Frankfurt.
Þýskaland kemst sjálfkrafa á mótið sem gestgjafi og tekur því ekki þátt í undankeppninni.
UEFA staðfesti í dag að Rússland fær ekki að taka þátt í undankeppninni. Öll rússnesk lið eru bönnuð frá keppni á vegum UEFA vegna stríðsástandsins í Úkraínu.
Þýskaland kemst sjálfkrafa á mótið sem gestgjafi og tekur því ekki þátt í undankeppninni.
UEFA staðfesti í dag að Rússland fær ekki að taka þátt í undankeppninni. Öll rússnesk lið eru bönnuð frá keppni á vegum UEFA vegna stríðsástandsins í Úkraínu.
Ísland verður að sjálfsögðu eitt af 53 landsliðum í undankeppninni. Skipt verður upp í tíu riðla, sjö sem eru með fimm liðum og þremur með sex liðum.
Liðin tíu sem vinna sinn riðil og liðin tíu sem enda í öðru sæti komast beint í lokakeppnina. Þá verða þrjú laus sæti eftir á mótinu sem keppt verður um í umspili í mars 2024.
Liðin tíu sem vinna sinn riðil og liðin tíu sem enda í öðru sæti komast beint í lokakeppnina. Þá verða þrjú laus sæti eftir á mótinu sem keppt verður um í umspili í mars 2024.
